israiliye 7 - öktebirdin buyan ghezze rayonini qangha mileshni dawamlashturmaqta
xelqara qanunlarni ayaq asti qilip, ayallar we kichik balilarni ayrimastin puqralarni qirghin qiliwatqan israiliye qisimliri, bu qétim ghezzening ottura qismidiki burayj panahlanghuchilar lagérigha hujum qildi.
türkiye awazi radiyosi xewiri: lagérning sherqidiki bir öyning hujum nishani qilinishi netijiside, bir qisim kishilerning qaza qilghanliqi we yarilanghanliqi élan qilindi.
israiliye yene ghezzening jenubidiki rafah shehirigimu hujum qildi.
bir öyge qilinghan hawa hujumida, birsi bowaq bolup, jemiy 6 pelestinlik öltürüldi. tél sultan mehellisige qilinghan hujumdimu bir aile pütünley yoq qilindi we 5 kishi jénidin ayrildi.
bir terepte israiliyening ghezze rayonidiki qorshawi dawamlshiwatqan bolsa, yene bir tereptin rayongha hawadin insanperwerlik yardimi yetküzüsh üchün tirishchanliqlar körsitilmekte.
pelestinlikler eng eqqelliy türmush éhtiyajini qandurush üchünmu bombardimanlarning sayisida küresh qilmaqta.
amérika tashqi ishlar ministiri antoniy blinkén rayonni yene bir qétim ziyaret qilishqa teyyarliq qilmaqta.
amérika tashqi ishlar ministirliqi blinkénning 29 - apréldin 30 - aprélghiche seudi erebistanni ziyaret qilidighanliqini élan qildi.
blinkénning söhbetdashliri bilen ghezzede urush toxtitish tirishchanliqi we esirlerni qoyup bérish qatarliq témilarda muzakirilishidighanliqi buningdin bashqa yene, ghezzege insanperwerlik yardemlerningmu muzakire üstilide bolidighanliqi bildürüldi.
