захарова: пәләстин мәсилиси хәлқара қанун даирисидә икки дөләт қурушни тәқәзза қилиду
русийә оттура шәрқтики һәрқандақ бир йеңи җиддийчиликниң ғәззә райониниң вәзийитини техиму йаманлаштуруветидиғанлиқини билдүрди.
түркийә авази радийоси хәвири: русийә ташқи ишлар министирлиқи байанатчиси марийа захарова пайтәхт москвада өткүзүлгән һәптилик мухбирларни күтүвелиш йиғинида, бир мухбирниң: «америка билән иран оттурисидики зиддийәт ғәззә райониниң вәзийитигә қандақ тәсир көрситәләйду?» дегән соалиға җаваб берип, «райондики қошумчә оттуриға чиқидиған һәр қандақ бир җиддийчилик ғәззә районидики начар вәзийәтни техиму йаманлаштуруветиду» деди.
марийа захарова ғәззәдә уруш тохтитишни әмәлгә ашуруш, инсанпәрвәрлик тәшкилатлириниң толуқ хизмитини әмәлгә ашуруш вә хәлқара қанун даирисидә пәләстин дөлитиниң қурулушиға капаләтлик қилиш үчүн сийасий мусапини дәрһал башлаш керәкликини тәкитләп: «һәр қандақ бир җиддийчилик алди билән пуқраларниң, андин райондики дөләт вә хәлқләрниң вәзийитини йаманлаштуруветиду» деди.
