пакистанда сайлам хадимлириға қаритилған қораллиқ һуҗумда бир сақчи қаза қилди

түркийә авази радийоси хәвири: пакистан сақчи хадимлири хәйбәр пахтонхва вилайитигә қарашлиқ кот азам районида намәлум кишиләрниң сайлам хадимлириға қораллиқ һуҗум қилғанлиқини билдүрди.

һуҗумда бир сақчиниң қаза қилғанлиқи вә кот азамдики аваз ташлаш паалийитиниң вақитлиқ тохтитилғанлиқи уқтурулди.

бу җәрйанда, пакистандики 128 милйондин артуқ сайлиғучи бәш йил бойичә қанун чиқириш һоқуқини сақлап қалидиған пакистан парламенти вә иштат парламент әзалири үчүн аваз ташлашни башлиди.

дөләт парламентидики 266 орун үчүн 5 миң 121 намзат вә төт иштатлиқ парламенттики 593 орун үчүн 12 миң 695 намзат риқабәтләшмәктә.

сайлиғучилар лаһор, карачи, пешавур вә куетта қатарлиқ шәһәрләрдә, болупму пайтәхт исламабадта аваз ташлаш үчүн узун өчрәтләрни шәкилләндүрди.

90 миң 675 сайлам сандуқида аваз ташлаш паалийити шу йәрниң вақти 17:00 дә ахирлишиду.