pakistanda saqchixanigha qilinghan hujumida 10 saqchi qaza qilip, alte saqchi yarilandi
pakistanning xeyber paxtonxwa ölkiside, kimliki namelum qoralliq unsurlarning saqchixanigha qilghan hujumida 10 saqchi qaza qilip, alte saqchi yarilandi.
türkiye awazi radiyosi xewiri:pakistan dölet taratquliridiki xewerlerge asaslanghanda, qoralliq unsurlar kéchide qol bombisi we éghir qorallar bilen xeyber paxtonxwa ölkisining déra ismail xan rayonidiki saqchixanigha hujum qilghan. hujumda, 10 saqchi qaza qilip, alte saqchi yarilanghan.
kéchining qarangghuluqliridin paydilinip qéchip ketken qoralliq unsurlarni izdep- tutush herikiti bashlandi.
hujumning jawabkarliqini téxiche héchkim öz üstige almidi.
pakistanda, bolupmu xeyber paxtonxwa we baluchistan ölkiliride qoralliq unsurlarning hujumliri künséri kücheymekte.
islamabad hökümiti pakistangha qarshi urush qiliwatqan pakistan talibanlirining afghanistanda baza qurghanliqini we taliban hökümitining bu teshkilatqa qarshi tedbirlerni yolgha qoymighanliqini ilgiri sürmekte.
afghanistan bolsa, pakistanning sözlirini ret qilip, pakistandiki bixeterlik mesilisi bilen özlirining munasiwiti yoqluqini ilgiri sürmekte.
