bélgiyelik oqughuchilar uniwérsitétlirining israiliye bilen bolghan alaqisini üzüshini telep qildi

türkiye awazi radiyosi xewiri: «VUB» dégen namda flémis tilida oqu-oqutush bilen shughullinidighan biryussél erkin uniwérsitéti oqughuchiliri mektep baghchisining ashxana jaylashqan binasida «orunlishiwélish herikiti» bashlidi.

chédir, ediyal, gilem, uxlash xaltisi we yémekliklirini élip kélip binagha orunlashqan oqughuchilar, telepliri qandurulmighuche binadin ayrilmaydighanliqini jakarlidi.

oqughuchilar uniwérsitét rehberlikidin israiliyediki ilmiy organlar bilen bolghan barliq munasiwetlerni üzüshini telep qildi.

bélgiyediki uniwérsitét oqughuchiliri amérika qoshma ishtatlirida bashlinip yawropagha kéngeygen naraziliq heriketlirini 6-maydin tartip qollashni bashlighan bolup, gén, biryussél, antwérp, léwén we ligé qatarliq uniwérsitétlarda namayishlar dawamlashmaqta.

5-ayning 7-küni biryussél erkin uniwérsitétining firansuz tili bölümining hoylisida bashlanghan israiliyege naraziliq bildürüsh herikiti netijiside, uniwérsitét rehberliki israiliyediki ikki organ ishtirak qilghan süniy idrak ilmiy türidin ayrilishni qarar qilghanliqini élan qilghanidi.