mirzoyan bayramow bilen ötküzgen söhbitidin memnunluqini ipadilidi
erméniye tashqi ishlar ministiri ararat mirzoyan eriwanda xizmet ziyaritide boluwatqan yawropa bixeterlik we hemkarliq teshkilati reisi, malta tashqi ishlar, qoshumche yawropa ishliri we soda ministiri ian borg bilen körüshti.
2138976
türkiye awazi radiyosi xewiri: erméniyening resmiy xewer agéntliqi «ermeniprés»ning xewirige qarighanda, mirzoyan méhman ministirgha özining ötken hepte qazaqistanning almuta shehiride ezerbeyjan tashqi ishlar ministiri jeyhun bayramof bilen ötküzgen söhbitining ijabiy keypiyatta ötkenlikini éytqan.
mirzoyan her ikki döletning bir-birining zémin pütünlükini özara étirap qilishi we chégra belgilesh xizmetlirini 1991-yildiki almuta xitabnamisining körsetmilirige asasen dawamlashturushi kéreklikini otturigha qoyghan.
ministir mirzoyan, xitabnamining pirinsiplirini ezerbeyjan bilen élip bériliwatqan tinchliq kélishimi söhbiti dairisige kirgüzüshning uzundin buyan dawamliship kéliwatqan rayon toqunushini axirlashturup, jenubiy kawkaz rayonida menggülük tinchliq ornitishni kapaletke ige qilidighanliqigha ishinidighanliqini tekitligen.
tinchliqning muhim terkibiy qismining rayondiki qatnash liniyesining qayta échiwétilishi ikenlikige isharet qilghan ararat mirzoyan, sözini dawamlashturup: «biz ezerbeyjan bilen tömür yoli torini qaytidin tutashturushqa qiziqimiz, elwette, barliq ul esliheler liniye bésip ötken döletlerning igilik hoquqi astida bolidu we u döletlerning bashqurush tüzümige asasen heriket qilidu. elwette, bu belgilimiler özara barawerlik pirinsipigha <muwapiq bolushi kérek>» dégenlerni qeyt qildi.
مۇناسىۋەتلىك خەۋەرلەر
yawropa ittipaqi süriyelik musapirlargha yardem bérishni wede qildi
yawropa ittipaqi süriyelik musapirlargha 2 milyard yawro yardem bérishni wede qildi.
