chilidiki orman ot apitide qaza qilghanlarning sani 51 ke yetti

türkiye awazi radiyosi xewiri: <CNN> qanilining xewirige asaslanghanda, chili pirézidénti gabriél borich bayanat élan qilip, sharaitni nezerde tutqanda ot apitide qaza qilghanlar sanining köpiyishi mumkinlikini bildürgen.

pirézidént gabriél borich ot apitining tesirige uchrighan rayonlargha herbiy qisimlarning orunlashturulidighanliqini eskertip, éhtiyajliq barliq menbelerning teyyar ikenlikini tekitlidi.

ichki ishlar ministiri karolina tohamu ot öchürüsh xadimlirining texminen 40 ot apitini kontrolluq astigha alghanliqini, 29 orman ot apitige qarshi küreshning dawamlishiwatqanliqini eskertti.

chili dairiliri walparayso we marga marga rayonida orman ot apitining dawamlishiwatqanliqigha dair uchurlarni hembehirlep, qaza qilghanlar sanining 51 ke yetkenlikini bildürdi.

alaqidar tarmaqlar walparaysodiki orman ot apitide texminen 1100 öyning ziyangha uchrighanliqini éytti.

chili metbuatlirida élan qilinghan xewerlerde, walparayso shehiri bilen bolghan ariliqi 20 kilomitir kélidighan pénuélas köli tebiiy baghchisidimu ot apiti yüz bergenliki bildürüldi.

döletlik apetning aldini élish we taqabil turush idarisi (Senapred) teripidin élan qilinghan bayanatta, küchlük shamal sewebidin otning téz tarqalghanliqi we bir qisim yéza-bazarlarda tarqaqlashturush xizmetlirining bashlanghanliqi uqturuldi.

pirézidént borij ijtimaiy alaqe torida orman ot apiti sewebidin jiddiy halet élan qilghanliqini bildürgen idi.

ichki ishlar ministiri tohamu bezi ot apitining «qesten» chiqirilghan bolushi mumkinlikini oylishiwatqanliqini bildürgen idi.