байдин: иранни бивастә җавабкарлиққа тартишни ойлишимиз
америка пирезиденти җо байдин: «биз оттура шәрқтә кәң көләмлик урушқа еһтийаҗлиқ әмәс, бундақ нийитимиз йоқ» деди.
түркийә авази радийоси хәвири: пирезидент җо байдин флоридада өткүзүлидиған сайлам сәпәрвәрлик паалийитигә қатнишиш үчүн ақсарайдин йолға чиқиштин илгири мухбирларниң соаллириға җаваб бәрди.
у сүрийә-ийорданийә чеграсидики америка базисиға қилинған һуҗумға қандақ җаваб қайтурушни қарар қилғанлиқлирини билдүрди.
у иранни һуҗумниң җавабкари дәп қарайдиған-қаримайдиғанлиқи тоғрисидики соалға: «бу һуҗумни қилған кишиләрни қорал билән тәминләш нуқтисидин ейқанда, иранни җавабкар дәп қараймән » дәп җаваб бәрди.
у «һуҗумниң иран билән бивастә четишлиқи барлиқи оттуриға чиққан әһвалда иран бивастә җавабкарлиққа тартиламду?» дегән соалға болса, «буни музакирә қилимиз» дәп қисқила җаваб бәргәндин кейин, сөзини мундақ давамлаштурди:
« биз оттура шәрқтә кәң көләмлик урушқа еһтийаҗлиқ әмәс, бундақ нийитимиз йоқ .»
америка пирезиденти җо байдин йеқинқи икки күндә 27-йанвар (2024) сүрийә-ийорданийә чеграсидики америка һәрбий базисиға қилинған һуҗум сәвәбидин дөләт хәвпсизлик кеңишини үч қетим йиғинға чақирип, һуҗумға қандақ җаваб қайтурушни музакирә қилған иди.
مۇناسىۋەتلىك خەۋەرلەر
ирақтики бир тәбиий газ мәйдани һуҗумға учриди
ирақниң сулайманийә шәһиридики кор-мор тәбиий газлиқ учқучисиз һава аппарати һуҗумиға учриди.
