israiliyening ghezzege qaratqan hujumlirida qaza qilghan pelestinlikler sani 26083 ke yetti
israiliyening 7-öktebirdin buyan dawamlashturuwatqan ghezze hujumlirida kem dégende 11 mingi bala we 7500i ayal bolup jemiy 26083 pelestinlik qaza qildi, 64487 adem yarilandi.
türkiye awazi radiyosi xewiri: israiliye armiyesining ghezze hujumlirining 113-künide, köpinchisi balilar we ayallar bolup, nechche on kishi qaza qildi we nurghun adem yarilandi.
pelestinning resmiy xewer agéntliqi — wafaning xewirige qarighanda, israiliye ayropilanliri ghezzening ottura qismidiki deyr elebelex shehiridiki öylerge hujum qilip, nurghun kishining jénigha zamin bolghan, yarilanghanlar eqsa shéhitler doxturxanisida balinistqa élinghan.
israiliye armiyesi ghezzening jenubidiki xan yunus shehiridiki öylerni bombardiman qilip, köpinchisi balilar we ayallar bolup, toqquz ademning jénigha zamin bolghan, bir qanche kishini yarilandurghan.
israiliyening refah shehirining eljenine mehellisige qaratqan hujumidimu ikki kishining qaza qilghanliqi, bir qanche kishining yarilanghanliqi qeyt qilindi.
igilinishiche, hujumda gümürülüp chüshken binalarning xarabiliki astida chiqirilalmighan kishiler bar iken.
