natoning soghuq urushtin kéyinki eng chong manéwiri bashlandi

türkiye awazi radiyosi xewiri: nato bash ishtabi bayanat élan qilip, amérikaning «USS Gunston Hall» namliq paraxotining wirjiniye ishtatidiki norfolk (Norfolk) tin yolgha chiqqanliqini we bir qatar heriketlerdin kéyin atlantikning yene bir teripige yétip baridighanliqini bildürdi.

manéwir ramkisida, mushu ay (2024-yil yanwar) ichide «HMCS Charlottetown» qoghdighuchi paraxotining kanadaning nowa skotiya (Nova Scotia) ishtatigha qarashliq xalifaks (Halifax) tin yawropagha qarap yolgha chiqidighanliqi qeyt qilinghan bayanatta, ittipaqning küchini shimaliy amérikadin atlantikning yene bir teripige toshup, yawropa-atlantik rayonini kücheytish iqtidarini namayan qilidighanliqi eskertildi.

bayanatta, natogha eza 31 dölet we namzat dölet shiwétsiyedin texminen 90 ming esker qatnishidighan manéwirning, may (2024) axirighiche dawamlishidighanliqi bildürüldi.

soghuq munasiwetler urushidin kéyinki eng chong nato manéwirining gérmaniye, polsha we baltiq déngizi döletliride ötküzülüshi, rusiye bilen bolidighan urush éhtimallirining sénariyelirini öz ichige alidighanliqi texmin qilinmaqta.

natoning soghuq urush dewride, yeni 1988-yili ötküzülgen eng chong «REFORGER» manéwirigha,  125 ming esker qatnashturulghan idi.