исираилийә икки ай уруш тохтитишни тәклип қилған

түркийә авази радийоси хәвири: америка «Axios» тор бети исираилийә әмәлдарлирини нәқил қилип, исираилийәниң һамасқа йеңи уруш тохтитиш тәклипи сунғанлиқини хәвәр қилди.

хәвәрдә, тел авив һөкүмитиниң һамасниң қолидики әсирләрниң һәммисини қойуп бериш бәдилигә, ғәззәгә қаратқан һуҗумлирини икки ай тохтитишни тәклип қилғанлиқи билдүрүлди.

исираилийәниң ғәззәдә узун муддәтлик уруш тохтитишни өз ичигә алмиған тәклипини қатар вә мисир арқилиқ йәткүзгәнлики әскәртилгән хәвәрдә, пикир бирлики һасил қилинған әһвалда дәсләптә айаллар вә 60 йаштин йуқири болған әрләр, саламәтлик әһвали еғир болған әсирләрни қойуп бериш؛ кейинки қәдәмдә, айал әскәрләр, әскәр болмиған 60 йаштин төвән әрләрни қойуп бериш؛ ахирида исираилийәлик әскәр вә әсирләрниң җәсәтлирини тапшуруп беришниң пилан қилинидиғанлиқи қәйт қилинди.

хәвәрдә, исираилийә билән һамасниң һәр бир исираилийәлик әсирниң бәдилигә қанчә пәләстинлик әсирни қойуп бериш үстидә келишим һасил қилинғандин кейин, қойуп берилидиған кишиләр үстидә бирму бир айрим музакирә өткүзүлидиғанлиқи билдүрүлди.

исираилийә даирилириниң байанатлириға асасланғанда, ғәззәдә 136 исираилийәлик әсир бар икән.