америкада начар һава райи 80 дин артуқ кишиниң җениға замин болди
алдинқи һәптә американиң нурғун районлирида начар һава райи сәвәбидин келип чиққан вәқәләрдә 80 дин артуқ киши қаза қилди.
түркийә авази радийоси хәвири: «CBS News» ториниң хәвиригә асасланғанда, милйонлиған америка пуқраси начар қиш шараитиниң еғир тәсиригә учриған.
ғәрбий деңиз қирғиқидики орегон иштатида шивирған сәвәбидин елан қилинған җиддий һаләт давам қилмақта. пенсилванийә, калифорнийә вә индийанадиму ток үзүлүп қелиш вәқәлири көрүлмәктә.
америка миқйасида алдинқи бир һәптә ичидә начар һава райи сәвәбидин келип чиққан һадисиләрдә 80 дин артуқ киши қаза қилди. соғуқ һава райиниң һәптә бешидиму давам қилидиғанлиқи уқтурулди.
100 милйондин артуқ кишиниң шималий қутуб суғуқиниң сәлбий тәсиригә учрайдиғанлиқи билдүрүлмәктә.
начар һава райи сәвәбидин тәхминән 100 миң киши ток мулазимитидин мәһрум қалди.
йәнә бир тәрәптин, теннесси иштатида 10 милйон кишиниң ток үзүлүп қелишниң алдини елиш үчүн токни теҗәп ишлитиши керәклики тәләп қилинди.
