iran: pakistanning bashqurulidighan bomba hujumida yette adem öldi
iran pakistanning chégra rayonidiki bir yézigha qaratqan bashqurulidighan bomba hujumida üch nepiri ayal, töt nepiri kichik bala bolup, jemiy yette kishining hayatidin ayrilghanliqini élan qildi.
türkiye awazi radiyosi xewiri: sistan-baluchistan ölkisi muawin waliysi eli riza merhemeti iran döletlik téléwiziyesige bayanat bérip, pakistanning bügün etigende sistan-baluchistan ölkisi chégra rayonidiki bir yézigha bashqurulidighan bomba bilen hujum qilip, iranliq bolmighan üch ayal bilen töt balining ölüshini keltürüp chiqarghanliqini bildürdi.
sistan-baluchistan ölkisining serawan shehiridimu partlash yüz bergenlikini bildürgen merhemeti, bu yerdiki hujumda adem ölüsh ehwalining körülmigenlikini qeyt qildi.
pakistan tashqi ishlar ministirliqi iranning sistan-baluchistan ölkisidiki «térrorchilar yoshurunuwalghan jaylar»gha qarshi intayin inchike pilanlap, herbiy heriket élip bérilghanliqini, dölet bixeterlik uchurlirini asas qilghan zerbe bérish herikiti jeryanida, nurghun «térrorchilarning» öltürülgenlikini ilgiri sürgenidi.
