трамп пирезидентлиқ тәхтигә қайтип келәмду?
америкада 5-нойабир (2024) өткүзүлидиған пирезидентлиқ сайлиминиң риқабәтлири башланди. айова (Iowa) да җумһурийәтчиләрниң намзат кандидатлири сайлимида сабиқ пирезидент доналд трамп ғәлибә қилди.
түркийә авази радийоси хәвири: америкада пирезидентлиқ сайлими үчүн әнәниви риқабәтләр башланған айова иштатида җумһурийәтчиләрниң намзат кандидатлирини өзара учраштурған сайлам ахирлашти.
америка бирләшмә агентлиқи (AP) елан қилған бирәсмий нәтиҗиләргә асасланғанда, сабиқ пирезидент трамп %51 авазға еришип, рәқиблиридин флорида иштати валийси рон десантис билән американиң б д т дики сабиқ даимий вәкили никки халей (Nikki Haley) ни арқида қалдуруп биринчи болған. десантис %21 авазға, никки халей болса %19 авазға еришкән.
җумһурийәтчиләрниң йәнә бир намзати вивек рамасвамй (Vivek Ramaswamy) 7.7% авазға еришкән. у ахбарат елан қилиш йиғинида, намзатлиқ сайлимидин чекингәнликини елан қилған.
пирезидентлиқ намзат кандидатлирини бәлгиләш сайламлири 8-ийун (2024) ғичә давамлишидиған болуп, кейинки қетимлиқи 23-йанвар (2024) нийу хампшир (New Hampshire) иштатида өткүзүлиду. ийул вә авғуст айлиридики партийә қурултайлирида һәм демократлар һәмдә җумһурийәтчиләр рәсмий пирезидент намзатини бекитиду. 5-нойабир башлинидиған пирезидентлиқ сайлимида ғәлибә қилған намзат, 2025-йили 20-йанвар дөләт пирезиденти болиду.
