коһен: «нетанйаһу исраилийә дөлитиниң бойниға есилған бир түгмән тешиға айланди»
исраилийә өктичиси йеш атид (кәлгүси бар) партийәсиниң парламент әзаси мейрав коһен баш министир бенйамин нетанйаһуниң вәзиписдин елип ташлиниши керәкликини тәләп қилип, уни дөләтниң бойниға есилған бир «түгмән теши» ға охшатти.
түркийә авази радийоси хәвири: мейрав коһен екс (X( адресида һәмбәһрлигән видеода, урушниң оттурисида нетанйаһу тоғрисида әйибләп гәп қилишниң өзини азаблайдиғанлиқини, әмма башқа чарә йоқлуқини билдүрди.
коһен: «баш министир (нитанийаһу) мәғлуб болғанда, мәғлуб болушни давамлаштурғанда вә өзиниң бу орунға лайақәтлик әмәсликини, хата җайда, хата вақитта, хата адәм икәнликини испатлиғанда, уни дәрһал алмаштуруш керәк. бизгә буни иккинчи дунйа уруши башлинип тоққуз айдин кейин, йәни 1940-йили 10-майда баш вәзир невилле чамберлейинни өзгәрткән әнглийәликләр өгәтти» деди.
«һазир вақти әмәс» дәйдиғанларниңму барлиқини билдүргән коһен: «әмма (әнглийәниң сабиқ баш вәзири винстон) черчил уруш җәрйанида чамберлейинниң орнини елип, биританийәдә бирләшмә һөкүмәт қурмиған болса иди, бүгүнки дунйа қандақ болатти? нетанйаһу мәғлуб болди» деди.
коһен нетанйаһуниң уруштин кейин, дөләтниң җәнуби вә шималидики өйлирини бекарлиған исраилийәликләрниң мәсилисиниму һәл қилалмиғанлиқини, һакимийәт йүргүзүватқан бирләшмә һөкүмәтни сақлап қелиш үчүн дөләт хәзинисини булиғанлиқини, һәмдә 2023 - йилдики хамчотниң бихәтәрлик җәһәттә мәғлуб болған хамчот болғанлиқини тилға алди.
коһен йәнә мундақ деди:
«баш министир болуш сүпити билән нетанйаһу исраилийә дөлити вә җәмийитиниң бойниға есилған бир түгмән тешиға айланди.»
