исраилийәниң вәһшийләрчә һуҗумлири ғәззәниң җәнубидики рәфаһ шәһиригә мәркәзләшти

түркийә авази радийоси хәвири: рәфаһ шәһиридә өлтүрүлгән пәләстинликләрниң ичидә журналист адил зарабму бар. шуниң билән исраилийәниң һуҗумлирида 7 – өктәбир (2023) дин буйан өлтүрүлгән пәләстинлик журналистларниң сани 96 гә йәтти.

исраилийә қисимлири рәфаһтин башқа йәнә, нусәйрат панаһланғучилар лагери, хан йунус вә дәйр бала райониниму вәһшийләрчә бомбардиман қилди.

7–өктәбирдин буйан исраилийә бомбардиман қилған 22 дохтурхана вә 53 сәһийә мәркизи хизмәттин тохтиди. 300 дин артуқ теббий хадим өлтүрүлди. 90 мәктәп вә университет пүтүнләй вәйран болди.  

ғәззәдә тоқунушлар давамлашмақта. қассам биригадилири исраилийә әскәрлирини елип маңған бир аптомобилни һуҗум нишани қилған синалғусини һәмбәһрлиди. хан йунусниң шәрқидә елип берилған һуҗумда, танка атар ракита ишлитилди. һуҗум нәтиҗисидә өлтүрүлгән вә йариланған исраилийә әскәрлириниң барлиқи елан қилинди.

исраилийә ғәззәдики тоқунушта йәнә икки әскириниң өлгәнликини елан қилди. шуниң билән бир күн ичидә өлтүрүлгән исраилийә әскәрлириниң сани йәттигә йәтти.

уруш тохтитиш келишими йәнә бир қетим күнтәртипигә кәлди. америка ақсарай дөләт бихәтәрлик кеңишиниң байанатчиси җон кирби йеңи әсир алмаштуруш келишиминиң имзалиниш алдида турғанлиқини илгири сүрди.

йәнә бир тәрәптин, һамас исраилийәниң ғәззәдики һуҗумлирини пүтүнләй ахирлаштуруши шәрти астида, әсир алмаштурушқа очуқ икәнликини елан қилди.

7 – өктәбирдин буйан исраилийәниң һуҗумлирида 19 миң 453 пәләстинлик өлтүрүлди, 52 миң 286  пәләстинлик йариланди.

исраилийә қисимлири ғәззә райониға һуҗум қилишни башлиған 7–өктәбирдин буйан 461 әскириниң өлтүрүлгәнликини, 129 нәпириниң қуруқлуқтин таҗавуз қилиш җәрйанида өлгәнликлини елан қилди.

инсанпәрвәрлик асасида вақитлиқ уруш тохтитиш җәрйанида, 81 исраилийәлик вә 240 пәләстинлик тутқун алмаштурулған иди.