һәниййә: һамас вә башқа қаршилиқ көрсәткүчиләрчәттә қалдурулған сенарийәләр хам хийалдин ибарәт

түркийә авази радийоси хәвири: һәниййә һамасниң телеграм суписидики адресида байанат елан қилип, пәләстин хәлқи вә қаршилиқ көрситиш күчлириниң қудрәтлик, ирадилик вә сәврчан икәнликини, өзлириниң исраилийә ишғалийитиниң ахирлишидиғанлиқиға толуқ ишинидиғанлиқлирини билдүрди.

һамас һөкүмитиниң хәлқара органлар билән болған алақисиниң давамлишиватқанлиқини билдүргән һәниййә, өзлириниң пәләстин хәлқиниң азаб-оқубәтлирини йәңгиллитиш вә йардәмләрниң уларға йетип келишигә капаләтлик қилиш үчүн тиришиватқанлиқлирини тәкитлиди.

«ғәззәниң кәлгүсигә мунасивәтлик һамас вә (пәләстиндики башқа) қаршилиқ көрситиш гуруппилирини өз ичигә алмиған һәр қандақ сенарийә хам хийалдин ибарәт» дегән һәниййә, әрәб вә башқа ислам дөләтлирини пәләстин хәлқиниң күришини қоллашқа чақирди.

пәләстин исламий қаршилиқ көрситиш һәрикити — һамасниң һәрбий қанити болған қәссам биригадаси 7-өктәбир исраилийәниң «пәләстинликләрниң һоқуқи вә мәсҗиди әқсани өз ичигә алған муқәддәс қиммәтләрни изчил һалда айағ асти қиливатқанлиқиға наразилиқ билдүрүш үчүн, «әқса топани» намлиқ кәң көләмлик һуҗум қозғиғанлиқини җакарлиди.

исраилийә 7-өктәбирдики һуҗумларда 1200 исраилийәликниң өлгәнликини, 5132 кишиниң йариланғанлиқини елан қилди.

исраилийәниң ғәззәгә қаратқан һуҗумлирида, кәм дегәндә 8000 и балилар, 6200 айаллар болуп, җәмий 18608 пәләстинлик қаза қилди. миңларчә пәләстинлик һазирғичә харабиликләр астида йатмақта. хәлқ панаһлиниватқан дохтурхана, мәктәп дегәндәк орунлар үзлүксиз бомбардиман қилинмақта.

қораллиқ муһасирә астида тутуп турулуватқан 1 милйон 900 миң ғәззәлик, туралғу, йемәклик, пакиз су, дора вә сағламлиқ мулазимитидин мәһрум һалда һайатлиқ күришини давамлаштурмақта.