нетанйаһу: ғәззә исираилийәниң контроллуқи астида қоралсизландурулуши керәк

түркийә авази радийоси хәвири: исираилийә баш министири нетантйаһу уруш кабенти йиғинидин кейин өткүзүлгән ахбарат елан қилиш йиғинида, исираилийә армийәсиниң ғәззәдики иккинчи чоң шәһәр болған хан йунусни вә җибалийани қоршав астиға алғанлиқини билдүрди.

у ғәззәниң исираилийәгә иккинчи қетим тәһдит пәйда қилалмайдиғанлиқини, террорлуқни қоллаш билән әйиблиниватқан рамаллаһтики пәләстин һөкүмитиниң ғәззәни башқуралмайдиғанлиқини илгири сүрди.

у: «уруштин кейин ғәззә қоралсизландурулиду. буни қилалайдиған бирдинбир күч-исираилийә армийәсидур. һечқандақ хәлқаралиқ күч мәсулийәтни үстигә алалмайду. көзүмни йумуп буни қобул қилалмаймән» деди.

у 365 кивадрат километирлиқ земинда йашайдиған 2.3 милйон кишидин 1.9 милйон пәләстинлик йурт-маканлиридин мәҗбурий көчүрүлгән пәләстиндики хәлқтин «уруш йоқ районларға көчүш» ни тәләп қилди.

у исираилийә таратқулиридики «американиң тел авивдин һуҗум қилишни әң қисқа вақит ичидә тохтитишни тәләп қилди» дегән хәвәрләр үстидә тохтилип: «биздин урушни тез ахилраштурушни тәләп қилған достлар, буниң үчүн һамасни йоқитиш үчүн зор күч ишлитишимиз керәкликини билиши керәк» деди.

һамасниң һәрбий қанити болған қәссам биригадилири 7-өктәбир шәнбә күни исраилийәгә қарши «әқса топани» намлиқ кәң көләмлик һуҗум қозғиғанлиқлирини елан қилғаниди.

исраилийә армийәси болса, уруш айропиланлири билән ғәззә шәһиригә «төмүр қилич һәрикити» қозғиғанлиқлирини билдүргәниди.

игилинишичә, исраилийәниң  барғансери кәскинлишиватқан һуҗумлири давамида, көпинчиси балилар болуп, 16 миң 200 дин артуқ пәләстинлик җенидин айрилған.