иранда һава булғиниши сәвәбидин тордин дәрс өтүш давамлашмақта
иранниң теһран, испаһан, алборз, ерақ вә симнан иштатлирида һава булғиниши сәвәбидин тор арқилиқ дәрс өтүш давам қилмақта.
түркийә авази радийоси хәвири: иран ирна агентлиқиниң хәвиридә билдүрүлишичә, һава булғиниши сәвәбидин теһран вә испаһан иштатлирида үч күндин буйан йолға қойулған торда дәрс өтүш бәлгилимиси йәнә икки күн узартилди.
бәлгилимә бойичә, йәслиләр тақалди. башланғуч, оттура вә толуқ оттура мәктәпләр, универстетлар торда дәрс өтүшни давамлаштурди.
пайтәхт теһранда һава булғиниш дәриҗисиниң йуқири болуши сәвәбидин һава булғиниш җиддий әһваллар комитети бир қатар тәдбирләрни йолға қойди.
буниңға асасланғанда, дезилни йеқилғу қилған қатнаш вастилириниң кечә вақитлиридиму шәһәр мәркизигә кириши чәклиниду. башқа моторлуқ қатнаш вастилири үчүнму чаршәнбә күни (6-декабир) гичә тақ вә җуп плака бәлгилимиси йолға қойулиду. шәһәрдики барлиқ електр истансисилирида, санаәт тармақлирида, ишләпчиқириш сехлирида, канчилиқ вә мулазимәт кәсиплиридә дезилни йеқилғу қилиш чәклиниду.
испаһан иштатидиму моторлуқ қатнаш вастилири үчүн тақ вә җуп плака бәлгилимиси йолға қойулиду. алборз, ерақ вә симнан иштатлири билән шәрқий әзәрбәйҗан иштатиниң тәбриз, оску шәһәрлиридә торда дәрс өтүш 6-декабирму давамлишиду.
мәзкур иштатларда, йүрәк, қан-томур кесәлликлири, нәпәс йоли вә созулма характерлик кесәлликлири бимарлири билән дөләт органлирида ишләйдиған һамилә болған айаллар хизмитини өйидә интернет арқилиқ ишләйду.
مۇناسىۋەتلىك خەۋەرلەر
ирақтики бир тәбиий газ мәйдани һуҗумға учриди
ирақниң сулайманийә шәһиридики кор-мор тәбиий газлиқ учқучисиз һава аппарати һуҗумиға учриди.
