ташқатма йеқилғулирини әмәлдин қалдуруш килимат өзгириши йиғининиң күнтәртипигә айланди
б д т 28-нөвәтлик килимат өзгириши йиғини (COP28) да, ташқатма йеқилғулирини қәдәмму қәдәм әмәлдин қалдуруш мәсилиси музакирә қилинмақта.
түркийә авази радийоси хәвири: әрәб бирләшмә хәлипиликиниң дубәй шәһиридә өткүзүлгән «COP28» дәп аталған б д т килимат өзгириши йиғинида, ташқатма йеқилғулирини қәдәмму қәдәм әмәлдин қалдуруш музакирә қилинмақта.
пикир бирлики һасил қилиниш еһтимали болған келишим мәзмуни, ташқатма йеқилғулирини «тәртиплик вә адил» шәкилдә әмәлдин қалдурушниң ойлишиливатқанлиқини көрсәтмәктә.
текист лайиһәсидә, биринчи басқуч «ташқатма йеқилғуни тәртиплик вә адил шәкилдә әмәлдин қалдуруш», иккинчи басқуч «чәкләнмигән ташқатма йеқилғуни әмәлдин қалдуруш тиришчанлиқлириниң сүритини тезлитиш» дәп ипадә қилинди.
музакирәчиләр ташқатма йеқилғуниң кәлгүси үчүн ортақ тәсәввур һасил қилишқа урунмиди. бу текист лайиһәси йәнә кәлгүси 10 йил ичидә һәрқайси дөләтләрниң «чәкләнмигән көмүр енергийәсини тезликтә әмәлдин қалдуруш» вә «карбон төт оксид қойуп беридиған йеңи көмүр електр истансиси қурулушлирини дәрһал тохтитиш» түрини өз ичигә алиду.
«чәкләнмигән» електр истансиси карбон төт оксидниң атмосфераға қойуп бериши чәкләнмигән әслиһә дәп билиниду. дунйадики електр истанссилириниң көпинчиси мушу түрдә икәнлики қәйт қилиниду.
