ғәззәгә аран 100 йүк аптомобили инсанпәрвәрлик йардими кирди
пәләстин қизил ай җәмийити 100 йүк аптомобили инсанпәрвәрлик йардиминиң киргәнликини билдүрди.
түркийә авази радийоси хәвири: пәләстин қизил ай җәмийити исраилийә билән хамас оттурисида түзүлгән «инсанпәрвәрлик нуқтисидин уруш тохтитип туруш» келишиминиң муддити түнүгүн ахирлашқандин кейин, қайтидин һуҗум башланған ғәззә райониға аран 100 йүк аптомобили инсанпәрвәрлик йардиминиң киргәнликини билдүрди.
пәләстин қизил ай җәмийити елан қилған йазма байанатта, рафаһ чегра еғизидин ғәззә райониға аран 100 йүк аптомобили инсанпәрвәрлик йардими киргәнлики вә мисир қизил һилал җәмийитидин тапшуруп алғанлиқи уқтурулди.
йүк аптомобилирида су, йемәклик, дора вә давалаш буйумлириниң барлиқи билдүрүлди.
ғәззәгә һәр қайси дөләтләрдин әвәтилгән йардәмләр мисир билән ғәззә оттурисидики рафаһ чегра еғизида мисир қизил ай җәмийитиниң маслаштуриши билән йәткүзүп берилмәктә.
