гутеррес: «вақитлиқ уруш тохтитиш һалқилиқ мәсилиләрни һәл қилалмиди»
бирләшкән дөләтләр тәшкилати баш катипи антонийо гутеррес исраилийә билән һамас оттурисида әмәлгә ашурулған «инсанпәрвәрлик нуқтисидин вақитлиқ уруш туруш» келишиминиң һалқилиқ мәсилиләрни һәл қилалмиғанлиқини тәкитлиди.
түркийә авази радйоси хәвири: б д т баш катипи гутеррес африқа бирләшмиси комитети башлиқи муса факи маһамат билән өткүзгән мухбирларни күтүвелиш йиғинида сөз қилди.
гутеррес ғәззәдә «инсанпәрвәрлик нуқтисидин уруш тохтитиш» елан қилиниши керәкликини тәкитләп: «<инсанпәрвәрлик нуқтисидин вақитлиқ уруш тохтитиш> келишими тоғра йөнилишкә қарап ташланған бир қәдәм иди. у үмидниң символи болған иди, әмма у биз дуч кәлгән ачқучлуқ мәсилиләрни һәл қилалмиди» деди.
гутеррес әсирләрниң шәртсиз вә дәрһал қойуп берилишини, инсанпәрвәрлик йардәмлириниң ғәззә хәлқигә изчил йәткүзүлүшигә капаләтлик қилидиған «инсанпәрвәрлик нуқтисидин уруш тохтитиш» елан қилиниши керәкликидә чиң туридиғанлиқини тәкитлиди.
гутеррес йәнә, «инсанпәрвәрлик нуқтисидин вақитлиқ уруш тохтитиш> ахирилашқандин кейин, һуҗумлирини қайта башлайдиғанлиқини елан қилған исраилийә һөкүмитигә йоллиған учурида, «мениң учурум интайин очуқ. биз инсанпәрвәрлик нуқтисидин уруш тохтитишиға еһтийаҗлиқ» деди.
