гутеррес ғәззәдики «инсанпәрвәрлик уруш тохтитип туруш» келишими үстидә тохталди

түркийә авази радийоси хәвири:гутеррес б д т ниң американиң нйуйорк шәһиригә җайлашқан бинасида байанат елан қилди.

гутеррес исраилийә билән ғәззә оттурисидики кәрәм шалом чегра еғизиниң ечилишини үмид қилидиғанлиқини тилға елип, буниң техиму көп йардәм йоллаш имканийити йаритип беридиғанлиқини ейтти.  

гутеррес ғәззәдики тоқунуш ахирлашқандин кейин, өткүнчи һәл қилиш басқучиниң муһим рол ойнайдиғанлиқи тәрәпкә һәмминиң диққитини тартип, гәрчә бу һәқтә инкас билдүрүш техи балдурлуқ қилсиму, әмма пәләстин һөкүмити ғәззәдә мәсулийәтни үстигә елиши керәк, дәп қарайдиғанлиқини оттуриға қойди.

хәлқара җәмийәтниңму буни қоллиши керәкликини тәкитлигән гутеррес, пәләстин һөкүмитиниң икки дөләтлик һәл қилиш чарисиға мәркәзлишиши керәкликини тәкитлиди.

ғәззәдики «инсанпәрвәрлик уруш тохтитип туруш» ниң узартилиши үстидиму тохталған антонийо гутеррес: « ғәззәдики инсанпәрвәрлик уруш тохтитип туруш келишими уруш зулмитидә инсанийәт үчүн ташланған бир қәдәм вә үмид нури болди» деди.

гутеррес мәзкур « инсанпәрвәрлик уруш тохтитип туруш» ниң қийин әһвалда қалған ғәззә хәлқигә техиму көп инсанпәрвәрлик йардәм йәткүзүш имканийити йаритип беридиғанлиқини һәмдә буниңму дәсләпки басқучта йетәрлик болмайдиғанлиқини билидиғанлиқини әскәртти.