җәнубий корейә, йапонийә вә хитай үч тәрәп йиғинини қайтидин башлайду

түркийә авази радийоси хәвири: җәнубий корейә, йапонийә вә хитайниң ташқи ишлар министирлири җәнубий корейәниң бусан шәһиридә өткүзүлгән йиғинда, йапонийә баш вәзири кишида фумийо, җәнубий корейә пирезиденти йун сукйеол вә хитай рәиси ши җинпиңниң пат йеқинда учришиши үчүн қилинидиған тәййарлиқларниң сүритини тезләштүридиғанлиқлирини билдүрди.

җәнубий корейә ташқи ишлар министири паркҗин: «рәһбәрләр учришишиниң үч тәрәп һәмкарлиқини әслигә кәлтүрүш вә нормаллаштуруш үчүн һайатий әһмийәткә игә икәнлики тоғрисида пикир бирлики һасил қилинди. башлиқлар йиғинини 2024-йилниң башлирида өткүзүшни пилан қиливатимиз» деди.

у корейә йерим арили муқимлиқиниң «районниң тинчлиқи вә параванлиқи үчүн алдинқи шәрт икәнлики» ни тәкитлиди.

у шималий корейәниң өткән һәптә һәрбий җасуслуқ сүний һәмраһини қойуп бәргәнликини «иғвагәрчилик» дәп атиди вә пийоңйаңниң һәрикәтлириниң «район тинчлиқи вә муқимлиқиға еғир тәһдит пәйда қилғанлиқи» ни әскәртти.

у шималий корейәгә четишлиқ мәсилиләрни һәл қилиш үчүн һәр дәриҗилик алақиләрни давамлаштуруш тоғрисидиму келишим һасил қилғанлиқлирини қәйт қилди.

йиғинда, үч дөләт министирлири район тинчлиқи вә параванлиқи үчүн иҗабий рол ойнаш؛ иқтисад, сода вә хәвпсизлик саһәсидә һәмкарлиқларни тәрәққий қилдуруш керәкликини тәкитлиди.

йиғинда йәнә, министирларниң үч тәрәпкә мунасивәтлик мәсилиләрдин башқа, район мәсилилири тоғрисидиму өзара пикир алмаштурғалиқи әскәртилди.