nigériyede kelkün apiti sewebidin 650 ming bala öy – makanliridin ayrilip qaldi
nigériyede qara yamghur keltürüp chiqarghan kelkün apiti sewebidin 4 yilda 650 ming bala öy - makanliridin ayrilip qaldi.
türkiye awazi radiyosi xewiri: birleshken döletler teshkilati balilar fondi (UNICEF) kaduna ishtatliq ish béjirish ornining bashliqi géréda birukila «dunya balilar heq - hoquqliri küni» munasiwiti bilen élan qilghan bayanatida, nigériyening kilimat özgirishining tesirige uchrishi we ajizliqi jehette dunya boyiche eng nachar ikkinchi dölet ikenlikini qeyt qildi.
birukila nigériyede 2016-yildin 2021-yilghiche bolghan ariliqta yüz bergen kelkün apiti sewebidin 650 ming balining öy-makanliridin ayrilip qalghanliqini, kelgüsi 30 yil ichide kelkün apiti sewebidin 3 milyon 100 mingdin artuq balining öy-makanliridin ayrilip qélish xewpining barliqini éytti.
u muhitning nacharlishishi we kilimat özgirishining yémek - ichmekke tesir körsitip, ozuqluq yétishmeslikni keltürüp chiqarghanliqini tekitlidi.