һиндистанда тонелда қапсилип қалған 40 ишчини қутқузуш хизмити үзүлүп қалди

түркийә авази радийоси хәвири: хизмәт җәрйанида тонелниң ичидин чиққан йерилиш авазини вә бурғилаш машинисиниң бузулғанлиқини байқиған даириләр қутқузуш хизмитини тохтатти. алақидар тармақлар хизмәтләрниң давамлишалиши үчүн  йеңи машиниларниң районға келишини сақлаватқанлиқини билдүрди.

апәтни башқуруш әмәлдари девендра патвал өрүлүп чүшкән таш қийаларни тазилаш хизмитиниң һазирғичә 24 метир илгирилигәнликини вә ишчиларниң тәхминән 60 метир чоңқурлуқта икәнликини тәхмин қиливатқанлиқини ейтти.

һиндистанда 12-нойабирда йол хизмити җәрйанида қурулуши давамлишиватқан тонелниң бир қисми өрүлүп чүшкән болуп, даириләр аз дегәндә 40 ишчиниң харабиликкә қапсилип қалғанлиқини, туруба арқилиқ ишчиларға оксиген вә йемәклик тәминләватқанлиқини билдүргән иди.

харабилик астидики ишчилардин бәзилиридә сағламлиқ мәсилиси көрүлүшкә башлиғанлиқи уқтурулған иди.