боснийә-гертсеговина пәләстинниң мустәқиллиқ тиришчанлиқини қоллайдиғанлиқини билдүрди

түркийә авази радийоси хәвири: боснийә-гертсеговина ташқи ишлар министири әлмәдин конакович пәләстин дөлитиниң боснийә – гертсеговинада турушлуқ баш әлчиси рәзәк наморниң зийартини қобул қилди.

боснийә-гертсеговина ташқи ишлар министирлиқиниң учришишқа мунасивәтлик  байанатида, «министир конакович пәләстин хәлқи вә даирилириниң өз дөлитиниң игилик һоқуқини вә земин пүтүнлүкини мудапиә қилишини шундақла қоғдаш тиришчанлиқини қоллап қуввәтләйдиғанлиқини билдүрди. боснийә-гертсеговинаниң һәр қандақ җайда вә һәр қандақ  вақитта бигунаһ пуқраларни, айаллар вә балиларни өлтүрүшни шундақла һәр хил зораванлиқларни қобул қилмайдиғанлиқини ейтти» дейилди.

конакович баш әлчигә боснийә-гертсеговинаниң оттура шәрқтики тоқунушни тинч йол билән ахирлаштуруш һәмдә пәләстин - исраилийә оттурисида узақ муддәтлик тинчлиқ вә муқимлиқ орнитиш йолидики барлиқ иҗабий тиришчанлиқларни қоллайдиғанлиқини билдүрди.

учришишита боснийә-гертсеговина билән пәләстин дөлити оттурисидики мунасивәтләргә «йахши вә достанә» дәп баһа берилди, һәмкарлиқни техиму тәрәққий қилдуруш ирадиси тәкитләнди.

һамасниң һәрбий қанити қасим биригадиси 7-өктәбир исраилийәгә «ақса туфани» намлиқ кәң көләмлик һуҗум башлиғанлиқини елан қилған вә  буниңға қарши исраилийә армийәси уруш айропиланлири билән ғәззә райониға қарши төмүр қилич һәрикитини башлиғанлиқини җакарлиған иди.

күнсери кәскинлишиватқан туқунушта һәр икки тәрәптин миңлиған киши җенидин айрилди.