доналд трамп қайта сайланса көчмәнләргә қарита «идийәви тәкшүрүш» елип баридиғанлиқини елан қилди

түркийә авази радийоси хәвири: сабиқ пирезидент трамп сайлам сәпәрвәрлики мунасиви билән йеңи хампширда сөзлигән нутуқида: «барлиқ көчмәнләргә қарита күчлүк идийәви тәкшүрүш елип баримән» деди.

доналд трамп америка пирезиденти җо байдин һакимийити дәвридә милйонлиған қанунсиз көчмәнләрниң америкиаа киргәнликини оттуриға қойуп, бу көчмәнләрни чеградин қоғлап чиқириш пиланини қайта тәкитлиди.

трамп: «әгәр американи өч көрсиңиз, исраилийәни йоқитишни ойлисиңиз, динимизни йақтурмисиңиз- демисиму нурғини йахши көрмәйду- җиһадчиларға һесдашлиқ қилсиңиз, ундақта биз дөлитимиздә сизни халимаймиз» деди.

трамп байдинни «иқтидарсизлиқ» билән әйибләп, американи ахирқи рәткә иттириватқанлиқини билдүрди вә исраилийә - һамас тоқунушини има қилған һалда оттура шәрқтики һазирқи малиманчилиққа байдинниң җавабкар икәнликини ейтти.