yawropaning urush toxtitish chaqirqini élan qilishi kéyinge sozuldi
yawropa ittipaqi döletlirining ghezzege insanperwerlik yardimi yetküzülüshi üchün israiliye-hamas toqunushini waqitliq toxtitish chaqiriqi élan qilishi, bu hepte ötküzülidighan yawropa ittipaqi rehberliri bashliqlar yighinigha kéchiktürüldi.
türkiye awazi radiyosi xewiri: lyuksémburgda ötküzülgen yawropa ittipaqi tashqi ishlar ministirliri yighinida, toqunushni waqitliq toxtitish chaqiriqi muzakire qilindi.
yawropa ittipaqining tashqi ishlar we bixeterlik siyasiti aliy wekili josép borrél yighin axirida muxbirlarning soaligha jawab bergende, ghezzege insanperwerlik yardemlirining yetküzülüshi üchün toqunushlarni waqitliq toxtitish chaqiriqigha munasiwetlik pikir birlikining hasil qilinip-qilinmighanliqi toghrisidiki soalgha jawab bergende, urush toxtitish bilen toqunushni waqitliq toxtitishning perqi barliqini eskertti.
u toqunushni waqitliq toxtitishqa, urush toxtitishqa qarighanda asan we tézlikte yetkili bolidighanliqini bildürüp: «bilishimche, tashqi ishlar ministirliri toqunushni waqitliq toxtitishni zörür dep oylaydu. bu ghezzege insanperwerlik yardemlirini yetküzüsh üchün muhim. eksche bolghanda, insanperwerlik yardemliri buzghunchiliqqa uchrishi mumkin»dédi.
u 26-27-öktebir (2023) künliri ötküzülidighan yawropa ittipaqi rehberliri yighinida toqunushni waqitliq toxtitish yaki urush toxqtitish mesililirining muzakire qilinidighanliqini bildürüp, mundaq dédi:
«insanperwerlik yardemlirining kirishige asanliq yaritip béridighan we yurt-makanliridin ayrilghan kishilerning panahlinishini kapaletke ige qilidighan shekilde toqunushlarni waqitliq toxtitishni, rehberlermu qollaydu dep oylaymen.»
u hamasning hujumidin kéyin, israiliyening özini qoghdash hoquqi barliqini tekitlep, buning xelqara qanun ramkisida élip bérilishi kéreklikini tekrarlidi we: «xelqara qanun boyiche, qorshawda qalghan kishilerni su we toktin mehrum qilishqa bolmaydu» dédi.
