غەززەدىكى توقۇنۇشلاردا 16 ژۇرنالىست ئۆلتۈرۈلدى

تۈركىيە ئاۋازى رادىيوسى خەۋىرى: خەلقئارا ژۇرنالىستلار بىرلەشمىسىنىڭ ئىنتېرنېت سەھىپىسىدە ئېلان قىلىنغان يازما باياناتتىكى ئۆلتۈرۈلگەن ژۇرنالىستلارنىڭ سانىغا ئۆزگەرتىش كىرگۈزۈلدى.

باياناتتا «داۋاملىشىۋاتقان توقۇنۇشلاردا ھازىرغىچە 16 مۇخبىرنىڭ ئۆلتۈرۈلگەنلىكى، نۇرغۇن مۇخبىرنىڭ يارىلانغانلىقى ۋە يوقاپ كەتكەنلىكى» قەيت قىلىندى.

باياناتتا يەنە، بىر ژۇرنالىست بىلەن فوتوگراف مۇخبىرىنىڭ ئىز – دېرىكىنىڭ يوقلۇقى ئەسكەرتىلدى.

خەلقئارا ژۇرنالىستلار بىرلەشمىسى يەنە، توقۇنۇش ساھەسىدە ۋەزىپە ئۆتەۋاتقان ژۇرنالىستلارنى «زۆرۈر بولغان ئالدىنى ئېلىش تەدبىرلىرىنى قوللىنىشقا، بىخەتەرلىك ئۈسكۈنىلىرىنى تاقاشقا ۋە ئۆزلىرى ئىشلەۋاتقان ئاخبارات ئورگانلىرى بۇ ئۈسكۈنىلەر بىلەن تەمىنلىمىسىلا، توقۇنۇش مەيدانىغا كىرمەسلىككە» چاقىردى.

بىرلەشمىنىڭ ئىلگىرىكى باياناتىدا، ئىسرائىلىيەنىڭ ھۇجۇملىرىدا 13 مۇخبىرنىڭ قازا قىلغانلىقى بىلدۈرۈلگەنىدى.