иран исраилийәгә тәһдит салди

түркийә авази радйоси хәвири: америка хәвәр тори «Axios» ниң исмини ашкарилашни халимайдиған дипломатик мәнбәләрни асас қилған хәвиригә қариғанда, иран ташқи ишлар министири һүсәйин әмир абдуллаһйан бирләшкән дөләтләр тәшкилати оттура шәрқ тинчлиқ мусаписи алаһидә маслаштурғучиси тор веннесланд билән ливанда өткүзгән учришишида, иранниң исраилийә -һамас җиддийчилики тоғрисидики учурини йәткүзгән.

абдуллаһйан тоқунушниң район характерлик бир урушқа айлинип кетишини халимайдиғанлиқини вә ғәззәдә һамас тәрипидин гөрүгә елинған исраилийәликләрниң қойуп берилишигә йардәм қилалайдиғанлиқини ейтқан. 

абдуллаһйан өз дөлитиниң «қизил сизиқи» барлиқини әскәртип, б д т әмәлдариға: «әгәр исраилийәниң һуҗумлири давамлишиверидиған болса, болупму ғәззәгә қуруқлуқ һуҗуми елип барса, иран буниңға җаваб қайтурушқа мәҗбур болиду» дегәнләрни тәкитлигән.

веннесландму исраилийә дөләт бихәтәрлик мәслиһәтчиси тизачи һанегби қатарлиқ исраилийә әмәлдарлири билән алақилишип, иранниң учурини тел авивға йәткүзгән.