җәнубий корейә билән йапонийә «истратегийәлик сөһбәт» йиғинини қайта башлиди
җәнубий корейә билән йапонийә аридин тоққуз йил өткәндин кейин, икки дөләтниң муавин ташқи ишлар министирлириниң қатнишиши билән тунҗи қетим «истратегийәлик сөһбәт» йиғини өткүзди.
2046823
түркийә авази радийоси хәвири: җәнубий корейә ташқи ишлар министириниң биринчи муавини чаң хоҗин вә йапонийәлик мәнсәпдиши окано масатака җәнубий корейәниң пайтәхти сеулда көрүшти.
аридин тоққуз йил өткәндин кейинки тунҗи қетимлиқ «истратегийәлик сөһбәт» йиғинида, район вә дунйави мәсилиләр шундақла икки дөләт мунасивәтлири музакирә қилинди.
җәнубий корейә билән йапонийә оттурисидики истратегийәлик сөһбәт қанили 2005-йили қурулған, әмма икки дөләт мунасивәтлиридә соғуқчилиқ пәйда болғачқа, әң ахирқи йиғин 2014- йили өткүзүлгәниди.
