һиндистанда кәлкүн апити йүз берип 30 адәм қаза қилди
һиндистанниң сикким өлкисидә мәйданға кәлгән кәлкүн апитидә 23 нәпири әскәр болуп, җәмий 30 адәм қаза қилди.
түркийә авази радийоси хәвири: «һиндистан вақит гезити» ниң хәвиригә қариғанда, сикким өлкилик тәбиий апәтләрни бир тәрәп қилиш оргини баш дериктори прабакар рай, лачен районида суниң туйуқсиз өрләп кетип, кәлкүн апити кәлтүрүп чиқарғанлиқини билдүргән.
рай, дәсләпки тәкшүрүш нәтиҗисигә қариғанда, йәттә адәмниң йоқап кәткәнликини әскәрткән.
һиндистан армийәси байанат елан қилип, райондики һәрбий базиларда вәзипә өтәватқан 23 һәрбий хадимниң кәлкүндә йоқап кәткәнликини уқтурди.
йәнә бир тәрәптин, бенгалниң бәзи районлиридиму кәлкүндин һошйар болуш тоғрисида агаһландуруш уқтуруши тарқитилди.
игилинишичә, кәлкүнни «музлуқ көлниң тешип кетиши» сәвәбидин келип чиққан болуши мумкин дәп қараватқан даириләр, апәтниң йүз бериш сәвәбини тәкшүрмәктә икән.
