пакистанниң икки иштатида адәм бомба һуҗуми йүз бәрди
пакистанниң белучистан вә хәйбәр пахтунхва иштатлирида террорлуқ һуҗуми йүз берип, 57 киши җенидин айрилди, буларниң ичидә икки сақчи бар.
түркийә авази радийоси хәвири: пакистан таратқулиридики хәвәрләрдә көрситилишичә, белучистанниң мастунг районидики бир җамә әтрапида мәвлут кечисини тәбрикләватқан кишиләр топлашқан мәйданда бомба партлиди.
террорлуқ һуҗумида, бир сақчини өз ичигә алған 52 киши җенидин айрилди, 130 дин артуқ киши йариланди.
мәсул даириләр, һуҗумниң адәм бомба һуҗуми болуши мумкинликини илгири сүрмәктә.
һазирғичә һуҗумниң җавабкарлиқини һечқандақ тәшкилат вә шәхс үстигә алмиди.
хәйбәр пахтунхва иштатиға қарашлиқ хангу районидиму бир җамәдә адәм бомба һуҗуми йүз бәрди. бу һуҗумда бир сақчини өз ичигә алған бәш киши җенидин айрилди, 12 киши йариланди.
مۇناسىۋەتلىك خەۋەرلەر
ирақтики бир тәбиий газ мәйдани һуҗумға учриди
ирақниң сулайманийә шәһиридики кор-мор тәбиий газлиқ учқучисиз һава аппарати һуҗумиға учриди.