ezerbeyjan-erméniye söhbiti biryussélda bashlinidu
ezerbeyjan bilen erméniye dairiliri 26-séntebir (2023) bélgiye paytexti biryussélda özara uchrishidu.
türkiye awazi radiyosi xewiri: ezerbeyjan-erményye dairilirining uchrishishi, ezerbeyjan pirézidéntliq mehkimisining meslihetchisi hikmet hajiyéw bilen erméniye xewpsizlik kéngishining bash katipi armén grigoryanning qatnishishi astida ötküzülidu.
erméniye «armén prés» (Armenpress) ning xewpsizlik kéngishi bash katibatliqini menbe qilip körsetken xewiride bildürülishiche, hajiyéw bilen grigoryanni bir yege jem qilidighan uchrishishqa, firansiye pirézidénti makron, gérmaniye bash ministiri olaf sholz we yawropa ittipaqi kéngishining bashliqi charléz mishél qatarliqlarmu qatnishidiken.
uchrishishta, ezerbeyjan pirézidénti ilham eliyéw bilen erméniye bash ministiri nikol pashinyanning 5-öktebir (2023) ispaniyening granada shehiride emelge ashurulidighan körüshüshi üchün qilinidighan teyyarliq mesililiri muzakire qilinidu.
ilham eliyéw, pashinyan we mishél 14-may (2023) biryussélda körüshken idi. buningdin bashqa, 1-iyun (2023) moldowada ötküzülgen yawropa siyasiy jemiyetler yighini ramkisida, makron we sholzning qatnishishi astida besh terep yighini ötküzülgen idi.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.