kosowuda hujum peyda qilghanlarning üchi étip öltürüldi

türkiye awazi radiyosi xewiri: kosowu bash ministiri albin kurti qoralliq guruppining oq chiqirishi netijiside jénidin ayrilghan saqchi xadimi afrim bunzhaku üchün ötküzülgen depne murasimida söz qildi.

u: «bulardin üchi étip öltürüldi, ularning arisida yarilanghanlar we qolgha élinghanlarmu bar. buningdin kéyinki basquch, bizge bularning kim ikenliki, kosuwu chégrasidin qandaq kirgenliki, kosowu jumhuriyitide qalaymiqanchiliq peyda qilish herikitining qomandanliri we rehberlirining kim ikenliki toghrisida nurghun uchurlargha ige qilidu. hazirghiche bilgenlirimiz, buningdin ilgiri oylap kéliwatqinimizdek uzun waqittin béri pilan qilghan kespiy térrorluq-jinayet guruhining emelge ashurghanliqi. bular bir etkeschilik guruhigha emes, belki siyasiy we iqtisadiy jehette bélgradning qollishigha érishken yallanma eskerler guruhigha wekillik qilidu» dédi.

kosowu ichki ishlar ministiri xélal swichla axbarat élan qilish yighinida, banzhska yézisida bashlanghan herbiy herikette üch hujumchining étip öltürülgenlikini, ikki hujumchi we simsiz téléfon bilen térrorluq hujumigha yardem qilghan  töt kishining qolgha élinghanliqini bildürdi.

u qolgha élinghan ikki kishining yarilanghan halette herbiy formiliri bilen qolgha chüshürülgenlikini qeyt qildi.

u kosowu saqchilirining rayonda tinitish ishlirini dawamlashturuwatqanliqini we nurghun qoral-yaraghlarni qolgha chüshürgenlikini eskertip: «dölitimizning barliq zéminliri kontrolluqimiz astida» dédi.