ливийәниң шәрқидики кәлкүндә дәрнә шәһиридила қаза қилғанларниң сани 5300 гә йәтти

түркийә авази радийоси хәвири:ливийәниң шәрқидики авам палатаси тәрипидин тәйинләнгән ички ишлар министирлиқи байанатчиси тариқ әлхарраз 10 – синтәбирдә дөләтниң шәрқигә еғир тәсир көрсәткән кәлкүн апитидә, пәқәт дәрнә шәһиридила қаза қилғанлар саниниң 5 миң 300 гә йәткәнликини ейтти.

тариқ әлхарраз кәлкүндә һайатидин айрилған вә кимлики ениқланған 1300 кишиниң җәситиниң дәпнә қилинғанлиқини, кәлкүндә бәзи аилиләр пүтүнләй йоқап кәткән болғачқа кимлики ениқланмиған нурғун җәсәтниң барлиқини вә уларни һазирчә дәпнә қилишқа болмайдиғанлиқини билдүрди.

тариқ әлхарраз дәрнәдики кәлкүн апити сәвәбидин қаза қилғанлар саниниң 10 миңдин ешип кетиши мумкинликини тәкитләп, «һазирғичә тепилмиған нурғун җәсәтләр бар, түркийә, әрәб бирләшмә хәлипилики  вә мисирдин кәлгән қутқузуш мутәхәссисләр әтрәтлири кәлкүн сәвәбидин деңизға чүшүп кәткән җәсәтләрни қутқузуш үчүн тиришмақта» деди.

оттура ақ деңизға тәсир көрсәткән вә 10-сентәбир ливийәниң шәрқини вәйран қилған «данийал» борини бинғази, бәйда, мәрҗ, сусә вә дәрнә шәһәрлиридә кәлкүн апити пәйда қилған иди.

миллий иттипақлиқ һөкүмитиниң баш министири абдулһәмид дибәйбә кәлкүн апити сәвәбидин түнүгүн мәмликәт миқйасида 3 күнлүк матәм елан қилған болуп, ливийә пирезидент кеңишиму қериндаш дөләтләр вә хәлқаралиқ органлардин кәлкүн апитиниң зийиниға учриған районлар үчүн йардәм тәләп қилған иди.

қизил крест җәмийити ливийәдики кәлкүн апитидә йоқап кәткәнләр саниниң 10 миңға йәткәнликини елан қилған иди.

ливийәниң шәрқий районлиридики һөл-йеғин миқдариниң «40 йилдин буйанқи әң йуқири» сәвийәгә чиққанлиқи билдүрүлгән иди.