olaf sholz yer shari ul eslihe yétersizlikini azaytish üchün aktip bolushqa chaqirdi

türkiye awazi radyosi xewiri: olaf sholz 18-nöwetlik g20 döletler guruhi rehberler yighini dairiside ötküzülgen «yershari ul eslihe,  sélinma shérikliki  we iqtisadiy karidor» yighinida qilghan sözide, yer shari ul eslihe yétersizlikini hel qilish üchün ötken yili yer shari ul eslihe sélinma hemkarliqini bashlighanliqini we paaliyetlirini belgiligenlikini eskertti.

sholz yer shari ul eslihe kemchillikini tügitish üchün xelqaraliq organ we döletlerni aktip bolushqa chaqiriq qilip, « yer shari ul eslihe kemchillikini tügitishke oxshash ishlarning emelge éshishi üchün aktip bolushimiz lazim» dédi.

ul eslihe meblighi bilen teminleydighan dunya bankisi qatarliq organlarning muweppeqiyetlik bolushining muhimliqini tekitligen sholz, gérmaniyening dunya bankisini 305 milyon yawroluq qoshumche arilashma meblegh bilen teminleydighanliqini bildürdi.

sholz gérmaniyening g20 döletler guruhigha nöwetchi reis bolghan mezgilide «afriqa bilen birgewdilishish» teshebbusini bashlighanliqini eskertip, «biz afriqa bilen hemkarlishishqa tirishtuq, noyabirda <afriqa bilen birgewdilishish> témisida bérlinda afriqa döletliri bilen bir yerge jem bolimiz. bu yerde biz birlikte afriqida ul eslihe berpa qilishqa we afriqida iqtisadning éshishigha asas salimiz» dédi.