shimaliy koréye orbétagha süniy hemrah yollaydighanliqini bildürüp yaponiyeni agahlandurdi
shimaliy koréye 27 - maydin 3 - iyun (2024) ghiche bolghan ariliqta orbétagha süniy hemrah yollaydighanliqini bildürüp, yaponiye déngiz qirghiqi muhapizet etritini agahlandurdi.
2144551
türkiye awazi radiyosi xewiri: shimaliy koréye süniy hemrahni toshuydighan rakéta parchilirining filippinning sherqidiki sériq déngiz we tinch okyangha chüshüp kétishi mumkinliki heqqide agahlandurghandin kéyin hoshyarliqni yuqiri pellige chiqarghan yaponiye déngiz qirghiqi muhapizet etriti, rayonda seper qilidighan paraxotlargha alahide diqqet qilish chaqiriqi élan qildi.
shimaliy koréye aldinqi yili (2023) may we awghust éyida qilghan ikki qétimliq muweppeqiyetsizsiniqidin kéyin, noyabirda «1-maligyong» namliq jasusluq süniy hemrahini muweppeqiyetlik halda orbétagha qoyup bergenlikini jakarlighan idi.
pyongyang hökümiti 2024 - yilimu yéngi süniy hemrahlirini orbétagha qoyup bérishni nishan qilghanliqini élan qilghan idi.
