seudi erebistan aridin 12 yil ötkendin kéyin demeshiqqe bash elchi teyinlidi

türkiye awazi radiyosi xewiri: seudi erebistan xewer agéntliqi s p a (SPA) ning xewirige asaslanghanda, süriyening paytexti demeshiqqe faysal bin seud el mijfil bash elchilikke wezipige teyinlengen.

shundaq qilip, mijfil süriye bilen seudi erebistanning diplomatik munasiwiti 12 yil üzülüp qalghandin kéyin, demeshiqqe teyinlengen tunji bash elchi boldi.

seudi erebistan 2011 - yili süriyede ichki urush partlap bir yildin kéyin demeshiqtiki elchixanisini taqighan idi.

demeshiq hökümiti 2023 - yili 7 -  mayda ereb ittipaqigha qaytip kélishni qarar qilghandin kéyin, 2023 - yili 9 - mayda seudi erebistan süriye bilen bolghan diplomatik munasiwetlirini qaytidin eslige keltüridighanliqini élan qilghan idi.

süriye hökümitimu aridin 11 yil ötkendin kéyin, yeni 6 - dékabir (2023) da seudi erebistangha bash elchi teyinligen idi.