венитсийә шәһәрлик һөкүмити шәһәргә киргәнләрдин күнлүк кириш һәққи алдиған болди

түркийә авази радйоси хәвири: венитсийә шәһәрлик һөкүмитиниң йазма байанатиға асасланғанда, шәһәрлик һөкүмәт шәһәрдики сайаһәтчиләр зичлиқиниң алдини елиш үчүн  2024-йили сайаһәтчиләрниң сани әң көп болидиған күнләрдә сайаһәтчиләрдин шәһәргә кириш һәққи алидиған болди. бу синақ йил бойи 30 қетим айрим айрим күнләрдә йолға қойилидиған болуп, шәһәргә кириш һәққи 5 йавро болиду.

шәһәр аһалилири, ишчилар, оқуғучилар, 14 йаштин төвән балилар вә тәнтәрбийә паалийәтлиригә қатнишидиғанлар һәқ төләштин кәчүрүм қилиниду.

шәһәрлик һөкүмәт тәрипидин шәһәрлик һөкүмәт кеңишиға йолланған бу қарар 9-айниң 12-күни тәстиқлинип музакирә қилиниду.

венитсийә шәһәр башлиқи луйиги бругнаро йеңи бәлгилиминиң шәһәрни тақиғанлиқ болмайдиғанлиқини, әмма мәлум мәзгилләрдә сайаһәт зичлиқини тәңшәш керәкликини тәкитлиди.

венитсийәдә алдинқи йилларда мушуниңға охшаш бәлгилимиләр күнтәртипкә кәлгән болсиму, охшимиған сәвәбләр түпәйлидин иҗра қилинмиған иди.  

венитсийә өстәң үстигә қурулған тарихий әһмийәткә игә қурулмиси билән һәр йили милйонлиған сайаһәтчиләрни күтүвалмақта.