испанийәдә 2.2 килогирамлиқ бир парчә пишлақ 30 миң йавроға сетилди
испанийә әң қиммәт пишлақта, дунйа рекортини бузуп ташлиди.
түркийә авази радийоси хәвири: шималий испанийәниң кабралес көк пишлиқиниң 2.2 килогирамлиқ бир парчиси ким артуқ қилип сетишта 30 миң йавроға сетилди.
шундақ қилип, «дунйа бойичә әң қиммәт пишлақ» дегән унванға еришти.
бу пишлақни йасиған гилермо пәндасниң аниси роза вада 1400 метир егизликтики бир өңкүрдә пишлақниң 7 селсийә градуслуқ иссиқлиқта пишқанлиқини вә бу йәрдә кәм дегәндә сәккиз ай турғанлиқини ейтти.
бу пишлақ астуриастики «еллагар дә коллото» ниң хоҗайини ресторанчи иван суарезға сетилди.
кабралес көк пишлиқиниң нормал килосиниң баһаси 35 йавродин 40 йавроғичә тепилиду.
бу пишлақ хам кала сүти йаки кала, қой вә өчкә сүтиниң арилашмисидин йасилиду. пикос де йавропа дөләт бағчисиға тәвә кабралес районидики өңкүрләрдә пишурулиду.
иван суарез сетивалған пишлақниң алдинқи нөвәтлик җиннес дунйа рекортиға еришкән баһаси 2019-йили 20 миң 500 йавро болған иди.
