amérika metbuatlirida hawaydiki «möjize öy» zor qiziqish qozghidi
amérikaning haway ishtatida nurghun binalarning köyüp pütünley külge aylinishgha seweb bolghan ot apitide birdinbir aman qalghan «möjize öy» hemmining diqqitini tartti.
türkiye awazi radyosi xewiri: hawayda 9-awghust (2023) tin buyan dawamlishiwatqan ot apitide 114 kishi qaza qilip, 2700 din artuq bina ziyangha uchridi yaki pütünley köyüp külge aylandi.
mawu arilidiki külge aylanghan yézilardin birsi bolghan laxaynadiki bir öy kishilerning diqqitini tartti. chünki bu öy déngiz qirghiqida saq qalghan birdinbir binagha aylanghan idi.
öyning xojayini er-ayal milikkin eslide pütünley yaghachtin yasalghan öyide bir qisim özgertishlerni qilghanliqini bildürdi.
er-ayal öyning ögzisige métal matériyal qoshqanliqini, ziyandash hasharetlerge qarshi öyning etrapidiki ot-chöplerni késip tashlighanliqini hemde yene öyning etrapigha tash yatquzghanliqini bildürdi.
deslepte ottin mudapielinishni közde tutup élip bérilmighan bu özgertishler, kéyin binaning ottin saqlinishigha kapaletlik qildi.
yerlik ahaliler, er-ayal milikkinning öyige «möjize öy» dep nam qoydi.
