һиндистанда кәлкүн вә тағ гүмүрүлүп чүшүш вәқәлиридә қаза қилғанларниң сани 55 кә өрлиди
һиндистанда шиддәтлик йамғур кәлтүрүп чиқарған кәлкүн вә тағ гүмүрүлүп чүшүш вәқәлиридә, қаза қилғанларниң сани 55 кә өрлиди.
2025079
түркийә авази радийоси хәвири: һиндистанниң шималидики һимачал прадеш өлкисидә шиддәтлик йамғур вә боран еғир тәсир көрситишни давамлаштурмақта.
һимачал прадеш баш министири сухвиндер синг суху мәтбуатларға бәргән байанатида, өлкидә шиддәтлик йамғур сәвәбидин тәхминән 55 кишиниң қаза қилғанлиқини билдүрди.
у йәнә, қаза қилғанлар саниниң көпийишидин әндишә қилиниватқанлиқини, издәш, қутқузуш вә әслигә кәлтүрүш хизмәтлириниң давамлишиватқанлиқини ейтти.
өлкә сақчилири бакра тосмисидики су миқдариниң көрүнәрлик ашқанлиқи сәвәбидин дәрйа бойидики аһалиләргә қарита еһтийатчан болуш һәққидә агаһландуруш елан қилди.
һимачал прадеш өлкилик апәтни башқуруш оргиниму иштаттики бир қанчә нәччә йүз йолниң қатнашқа тақалғанлиқини елан қилди.
