хитай өлкилиридә һәр хил апәтләр йүз бәрмәктә
хитайниң шәндуң өлкисидики йәр тәврәштә 126 бина өрүлүп чүшти.
түркийә авази радйоси хәвири: хитайниң шималидики шәндуң өлкисидә 5.5 бал йәр тәвриди.
хитай дөләтлик таратқулириниң хәвиридә, йәр тәврәш мәркизиниң өлкиниң шәрқидики диҗов шәһириниң пиңйүән райони икәнлики, йәр тәврәштә 21 кишиниң йариланғанлиқи вә 126 бинаниң өрүлүп чүшкәнлики билдүрүлди.
дөләт ишлири кеңиши вә җиддий һаләтләргә тақабил туруш министирлиқи йәр тәврәштин кейин 4-дәриҗилик агаһландуруш елан қилди. районға издәш-қутқузуш вә йардәм хизмәтлири үчүн әтрәтләр йолланди.
йәр тәврәш сәвәбидин бейҗиң вә тйәнҗен шәһәрлиригә қошна болған хебий өлкисидин қатнайдиған пойизлар әмәлдин қалдурулди.
алақидар тармақлар йәр тәврәштә қатнаш, хәвәрлишиш вә ток ул-әслиһәлиригә зийан йәтмигәнликини, нефит вә тәбиий газ туруба линийәсидиму сизип кетиш вәқәлириниң байқалмиғанлиқини хәвәр қилди.
хитайниң хебий өлкисидә шиддәтлик йамғур кәлтүрүп чиқарған кәлкүндә 10 киши қаза қилип, 18 киши йоқап кәткән болуп, хитайда йеқинқи 140 йилдин буйан көрүлүп бақмиған әң шиддәтлик йамғурниң башланғанлиқи хәвәр қилинған иди.
