америка хитайни сәзгүр һәрбий учурлар билән тәминлигән икки офетсирни назарәт астиға алди
америка деңиз армийәсиниң икки офитсери хитайни «сәзгүр һәрбий истихбарат билән тәминләш» җинайити билән әйиблинип назарәт астиға елинди.
түркийә авази радийоси хәвири: америка әдлийә министирлиқи байанат елан қилип, америка деңиз армийәсидә актип вәзипә өтәватқан икки матросниң «җасуслуқ» җинайити билән әйиблинип назарәт астиға елинғанлиқини уқтурди.
әйибнамигә қариғанда, американиң USS Essex намлиқ авийаматкисида вәзипә өтәватқан 22 йашлиқ җинчав вей америка дөләт мудапиә учурлирини хитай истихбарат (дөләт бихәтәрлик) хадимлириға әвәтиш билән әйибләнгән.
илгири сүрүлүшичә, җичав вей 2022- йили 2- айда хитай әмәлдари билән алақиләшкән вә тәләпкә бинаән, өзи ишләватқан авийаматкиниң сүрәт вә син көрүнүшлирини йоллиған.
буниңдин башқа, 26 йашлиқ венхең җав исимлик бир матрос хитайдин кәлгән бир истихбарат хадимини 2021-йили 8- айдин 2023- йили 5- айғичә америка деңиз армийәсиниң сәзгүр һәрбий учурлири билән тәминләш бәдилигә пара елиш билән әйибләнгән.
венхең җавниң хитай истихбарат хадимлириға йоллиған учурлириниң һинди- тинч окйандики америка һәрбий маневирлириниң мәшғулат пиланлириниму өз ичигә алидиғанлиқи илгири сүрүлди.
америка әдлийә министирлиқи дөләт бихәтәрлик башқармиси муавин баш тәптиши матев г. олсен, бу икки матросниң «американи қоғдаш вәдисигә хилаплиқ қилиш вә дөләтниң ишәнчисигә хийанәт қилиш билән әйиблиниватқанлиқи»ни әскәртти.
