girétsiyede gherq bolup ketken köchmen kémisi qazasida hayatidin ayrilghanlar sani köpeydi
ötken hepte girétsiye déngiz tewelkide yüz bergen köchmen kémisi qazasida hayatidin ayrilghanlar sani 82 ge yetti.
türkiye awazi radiyosi xewiri: girétsiyening dölet igilikidiki xewer agéntliqi — amna, girétsiye déngiz qirghiqi mudapiesi xadimlirinng nawarinning 47 déngiz mili gherbiy jenubidin yene bir kishining jesitini tépip, tébbiy tekshürüshtin ötküzüsh üchün kalamatagha élip bérilghanliqini, shuning bilen köchmen kémisi qazasida hayatidin ayrilghanlar omumiy sanining 82 ge yetkenlikini xewer qildi.
girétsiye déngiz qirghiqi muhapizet etritining bayanatida, köchmen kémisi qazasidin kéyinki izdesh - qutquzush xizmitining dawamlishiwatqanliqi, tünügün (20-iyun) tépilghan üch kishining jesiti qoshulup, qaza qilghanlar omumiy sanining 81 ge yetkenliki qeyt qilindi.
tertipsiz köchmenler olturghan kéme gherq bolup ketkendin kéyin, qanunsiz köchmen etkeschiliki bilen shughullinish bilen eyiblinip nazaret astigha élinghan toqquz misirliqni soraq qilish ishliri axirlashti؛ gumandarlar özlirining bigunah ikenlikini ilgiri sürdi.
nazaret astigha élinghanlardin biri bashqa töt gumandarning qanunsiz köchmen etkeschisi ikenlikini pash qildi.
14 – iyun (2023) girétsiyening mora yérim arilining nawarino rayonigha 47 déngiz mili yiraqliqidiki xelqara déngiz tewelikide, tertipsiz köchmenlerni élip mangghan bir béliqchi kémisi gherq bolup ketken bolup, 81 ademning jesiti tépilghan, 104 adem qutquzuwélinip, kalamata portigha élip bérilghanidi.
ijtimaiy küchler bashqurushidiki «alarm fun (signal téléfoni)» orginining bildürüshiche, qazagha yoluqqan kémide texminen 700 adem bar iken.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.
