хитай американи агаһландурди

түркийә авази радийоси хәвири: хитай ташқи ишлар министири чин гаң америка қошма иштатлири дипломатийә министири антони блинкен билән елип барған телефон сөһбитидә, вашингтонни риқабәт нами астида хитайниң йадролуқ мәнпәәтлири вә бихәтәрликигә зийан йәткүзмәслик тоғрисида агаһландурди.

хитай таратқулириниң хәвиригә қариғанда, чин гаң хитай – америка қошма иштатлири оттурисидики шар киризиси сәвәбидин бикар қилған бейҗиң зийаритини бу һәптә әмәлгә ашуруши күтүлүватқан блинкен билән, униң тәлипигә бинаән телефонда көрүшкән.

телефон сөһбитидә, чин гаң бейҗиңниң хитай - америка қошма иштатлири мунасивәтлиридики асаслиқ мәсилиләр тоғрисидики мәйданида чиң туридиғанлиқини тәкрарлиған, һәмдә  америка қошма иштатлириниң «риқабәт нами астида хитайниң ички ишлириға арилишишни, игилик һоқуқи вә тәрәққийат мәнпәәтигә зийан йәткүзүшни тохтитиши керәклики» ни тәкитлигән.

америка қошма иштатлири дипломатийә министири антони блинкен хитай шариниң америка һава бошлуқиға кириши сәвәбидин оттуриға чиққан кризис нәтиҗисидә 2-айда хитайға қилидиған зийаритини бикар қилғаниди.

игилинишичә, бу блинкен билән чин гаңниң киризис сәвәбидин дипломатик алақә үзүлүп қалғандин буйан тунҗи қетим биваситә телефонда көрүшүши һесаблинидикән.