سەئۇدى ئەرەبىستان بىلەن ئامېرىكا بىرلەشمە ھاۋا ئارمىيە مانېۋىرى ئۆتكۈزدى

تۈركىيە ئاۋازى رادىيوسى خەۋىرى: سەئۇدى ئەرەبىستان-ئامېرىكا بىرلەشمە ھاۋا ئارمىيە مانېۋىرىدا، ئامېرىكا ھاۋا ئارمىيەسىگە تەۋە يىراق مۇساپىلىق ئىستراتېگىيەلىك بومباردىمانچى ئايروپىلان <B-1 Lancer> ۋە <F15> كۈرەشچى ئايروپىلانلار قاتناشتۇرۇلدى.

مانېۋىردا، ئوق ئېتىش مەيدانىدىىكى تەقلىدىي نىشانلارنى يوقىتىش ئۈچۈن راست ئوق ئىشلىتىلدى.

سەئۇدى ئەرەبىستاندا 30 – مايدا پارس قولتۇقى ھەمكارلىق كېڭىشى (GCC) دۆلەتلىرى ۋە ئامېرىكا تەرىپىدىن «22-بۈركۈتنىڭ ئىرادىسى» ناملىق بىرلەشمە ھەربىي مانېۋىر ئۆتكۈزۈلگەن ئىدى.

2022-يىلى مارتتىمۇ «22-بۈركۈتنىڭ ئىرادىسى» ناملىق ئامېرىكا – پارس قولتۇقى بىرلەشمە ھەربىي مانېۋىر ئۆتكۈزۈلگەن ئىدى.