ئېكۋادوردا كەلكۈن ئاپىتىدە 15 مىڭ ئادەم تالاپەتكە ئۇچرىدى

تۈركىيە ئاۋازى رادىيوسى خەۋىرى: ئېكۋادور تاراتقۇلىرىنىڭ خەۋىرىگە قارىغاندا، قارا يامغۇر ئېكۋادورنىڭ غەربىي شىمالىدىكى ئېسمېرال شەھىرىدە كەلكۈن ئاپىتىنى كەلتۈرۈپ چىقارغان.

ئېكۋادور ئۇچۇر – ئالاقە كاتىبات باشقارمىسىنىڭ بىلدۈرۈشىچە، كەلكۈن ئاپىتىدە 15 مىڭ كىشى تالاپەتكە ئۇچرىغان، 842 كىشى ۋاقىتلىق پاناھلىنىش ئورۇنلىرىغا ئورۇنلاشتۇرۇلغان، 1467 كىشى خەلق مۇداپىئە ئەترىتى تەرىپىدىن قۇتقۇزۇۋېلىنغان.

ئېكۋادور ئۇچۇر – ئالاقە كاتىبات باشقارمىسىنىڭ باياناتىدا تەكىتلىنىشىچە، بىر ئايلىق ھۆل-يېغىن ھېسابلىنىدىغان قارا يامغۇر 12 سائەت ئىچىدە ياغقانلىقى  سەۋەبىدىن، ھازىرغىچە 2 مىڭ 895 ئۆي – ماكان زىيانغا ئۇچرىغان.

باياناتتا كۆرسىتىلىشىچە، ئىزدەش – قۇتقۇزۇش پائالىيەتلىرى ئۈزلۈكسىز داۋاملىشىۋاتقان بولۇپ، بەزى رايونلاردا توك ۋە ئىچىملىك ​​سۇ مۇلازىمىتى بىلەن تەمىنلەش تېخىچە ئەسلىگە كەلمىگەن.